Велика Британија и Европска Унија мора да направат повеќе за да ги зајакнат координираните мерки за да ја казнат Русија доколку таа го наруши суверенитетот на Украина, изјави денеска британскиот премиер Борис Џонсон во телефонски разговор со претседателката на Европската комисија Урсула фон дер Лајен.
Од Даунинг стрит соопштија дека Џонсон и Лајен „се согласија дека светот треба да остане буден во наредните денови и часови“.
Џонсон „го поздрави единството на сојузниците, но додаде дека може да се направи повеќе за брзо зајакнување на координираната акција“.
Извор: МИА