Државниот секретар Ентони Блинкен разговараше денеска со турскиот министер за надворешни работи Мевлут Чавушоглу, двајцата дискутираа за подобрување на координацијата и сојузништвото во НАТО а поврзано со заканата од можна руска ескалација и агресија во Украина.
-Државниот секретар ги истакна нашите споделени заложби за суверенитетот и територијалниот интегритет на Украина, и го истакна ангажманот на претседателот Ердоган за дипломатско решение, се вели во соопштението.
Лидерите дискутираа и за нормализација меѓу Турција и Ерменија и дополнителните чекори што САД можат да ги направат за поддршка на овие напори. Тие исто така ги разгледаа можностите за одржување на здрави американско-турски билатерални односи, се вели во денешното соопштение од Стејт департментот.
Извор: МИА