Иранските дипломати во Индија одговорија на најавата на американскиот претседател Доналд Трамп дека Ормутскиот теснец ќе биде анексиран од САД со објавување на мапа на САД на која Калифорнија е прикажана како „нова територија на Исламската Република Иран“.
Објавата е објавена од иранскиот конзулат во Хајдерабад, а пораката очигледно била сатиричен одговор на изјавата на Трамп за Ормутскиот теснец, објавува CNN.
Калифорнија има најголемо население на ирански имигранти во САД, според Институтот за миграциска политика. Најголемиот број од нив живеат во областа на Лос Анџелес, каде што дел од иранската заедница неформално го нарекува градот „Техрангелес“, комбинација од имињата Техеран и Лос Анџелес. Иранската дијаспора во САД е поделена околу војната меѓу САД и Израел против Иран.
Додека некои членови на заедницата очекуваат конфликтот да доведе до пад на сегашната влада во Иран, други се плашат дека воената интервенција би можела да има спротивен ефект. Најавата на иранскиот конзулат доаѓа откако Трамп изјави дека има намера да го прогласи Ормутскиот теснец за дел од територијата на САД.
На неговата платформа Truth Social, Трамп објави мапа на која се прикажува теснецот, клучен за глобалната трговија со нафта, означен како „Нова територија на САД“.