Иран негираше каква било вмешаност на неговите вооружени сили во оштетувањето на јужнокорејскиот брод во Ормутскиот теснец, соопшти иранската амбасада во Сеул.
Во соопштението се вели дека Техеран ги отфрла обвинувањата и нагласува дека безбедното минување низ стратешката поморска рута бара строго почитување на иранските прописи, објави Ројтерс.
Инцидентот се случил во понеделник, кога брод под панамско знаме, управуван од јужнокорејската компанија „ХММ“, доживеа експлозија, а потоа се запали. Причината за пожарот сè уште не е официјално утврдена.
Американскиот претседател Доналд Трамп го обвини Иран за нападот, додека јужнокорејските власти изјавија дека точната причина за инцидентот ќе биде позната дури откако бродот ќе биде одвлечен во пристаништето и темелно проверен.
Истрагата за околностите на експлозијата е во тек.