Либанскиот претседател Мишел Сулејман денеска официјално побара од сунитскиот политичар Тамам Салам да формира нова влада, откако Салам доби најголема поддршка од членовите на Парламентот за премиерската функција.
Салам е одреден за мандатар две недели откако премиерот Наџиб Микати поднесе оставка.
Првата задача на Салам, доколку успее да формира кабинет кој ќе го прифатат и противничките партии, ќе биде организирање на парламентарни избори, кои би требало да се одржат во јуни, но веројатно ќе бидат одложени, имајќи предвид дека се уште не е постигнат договор за изборниот систем.
Салам е роден во 1945 година, во време на познатата сунитска политичка дистанија, и бил министер за култура во периодот 2008-2009 година.
Иако ужива голема поддршка од различните политички сили, можно е ниту тој да не може лесно да формира влада.