Најмалку четворица Авганистанци беа ранети денеска во Кабул во самоубиствен напад со автомобил бомба, извршен од талибанците врз француски ресторан во центарот на Кабул.
Ресторанот „Ле жарден“, чиј сопственик е Авганистанец се наоѓа во централниот кварт Кала Фатула, каде има голем број странски невладини организации.
– Оваа вечер беше извршен напад врз ресторан на Авганистанци, лојални на странците, објави на Твитер портпаролот на талибанците Забиула Муџахид.
Портпаролот на Министерството за здравство Мохамед Исмаил изјави дека четворица Авганистанци се ранети во експлозијата.