Талибанците денеска ослободија 33 универзитетски професори и студенти кои ги киднапираа пред речиси две недели во источниот дел на Авганистан.
Заменик-гувернерот во провинција Газни, Мухамед Али Ахмади изјави дека киднаперите се ослободени синоќа откако во нивното ослободување посредувале племенските старешини од областа и персоналот на Црвениот крст.
– Ослободени се 33 лица, од кои поголемиот број се професори на Универзитетот во Кандахар. Тие беа киднапирани додека патувале кон Кабул, истакна Ахмади.
Портпаролот на талибанците Забинхулах Муџахид потврди дека се ослободени киднапираните професори и студенти.