Талибанските бунтовници соопштија дека киднапираната група странци, помеѓу кои има најмногу Турци се однесени на сигурно подрачје во Авганистан.
Талибанците заробија осум Турци и еден Русин, Авганистанец и Киристанец, кога пред два дена нивниот хеликоптер принудно слета поради лошото време, во едно село во близина на Азр, во покраината Логор, јужно од Кабула.
-Тие се однесени на сигурно место, немаат здравствени проблеми, во Авганистан се-изјави портпаролот на талибанците, Забигуалх Муџахид, додавајќи дека лидерот ќе одлучи што ќе прави со нив.
Авганистанските безбедносни сили интензивно трагаат по киднапираните лица.
Елена Георгиевска