Тајфунот Мајсак, кој кон филипинскиот архипелаг се доближува со брзина од 15 километри на час во ноќта меѓу сабота и недела ќе пристигне и до тлото на Филипините. Метеоролозите најавуваат бура со јачина на ветерот меѓу 150 и 160 километри на час, пропратена со силни дождови и лизгање на земјиштето.
Ова е причина властите да ги предупредат луѓето да не се препуштат комплетно на велигденската забава и да преземат неопходни мерки за заштита. Особено ќе се ризични подрачјата на островите што се блиску до морето, а тие се цел на голем број филипинци што ќе го прославуваат големиот верски празник.
Над 90 посто од сто милионската популација на Филипините се од католичка вероисповест. Католичката црква има огромно влијане во сите сфери на живеењето на Филипините, дури и во политиката.