Лидерот на социјалистите во Европскиот парламент, Ханес Свобода смета дека прашањето за влез на Бугарија и Романја во Шенген зоната може да се реши по изборите за Европскиот парламент, што ќе се одржат кон крајот на овој месец.
На прес-конфренција за време на посетата во романскиот округ Арџешт, Свобода изрази надеж дека по изборите за ЕП ќе биде донесена одлука за прием на Романија и Бугарија во Шенген зоната.
Тој посочи дека и двете земји ги исполниле техничките критериуми за прием во Шенген зоната.
Свобода изрази надеж дека до приемот во Шенген зоната Бугарија ќе успее да ги реши суштинските проблеми на бугарско-турската граница.
Во врска со Романија, тој истакна дека е потребно да се посвети специјално внимание на поефекасното интегрирање на Ромите во општеството.