Премиерот на Велика Британија Риши Сунак оствари телефонски разговор со украинскиот претседател Володимир Зеленски, пренесува Sky News.
За време на разговорите, Сунак му рече на Зеленски дека Британија ќе го охрабри напредокот со земјите од Г20 во надминување на руската блокада на житото во Црното Море.
„Претседателот Зеленски извести за контраофанзивата и тековните воени барања на Украина, а премиерот вети непоколеблива поддршка од Oбединетото Кралство и ги пофали украинските вооружени сили за нивниот напредок на бојното поле. Сунак и Зеленски, исто така, разговараа за влијанието на континуираната блокада на житото на Путин во Црното Море, како во Украина, како и за снабдување со храна ширум светот. Премиерот Сунак вети дека ќе ја зајакне работата со земјите од Г-20 за да се заобиколи руската блокада и да се осигури дека ранливите земји можат да пристапат до виталните пратки со жито“, рече портпаролот на Даунинг стрит.