Ирачките владини сили во текот на изминатата ноќ во јужната провинција Кербала влегоа во отворен судир со следбеници на влијателниот шиитски духовен лидер Махмуд ас Сархи, пренесе ДПА.
Очевидци на инцидентот наведуваат дека судирот избувнал откако владините сили им забраниле на приврзаниците на Сархи да се молат во светилиштето во Кербала.
Насилството, што траело до утринава, довело до жртви на двете страни, но нивниот број засега не е утврден.
Во Кербала е прогласен полициски час.
Судирите избувнале во момент кога ирачката Влада, предводена од шиитите, се бори со сунитските бунтовници, кои зазедоа значајни територии и градови во северниот дел од земјата, забележа ДПА.