Австриската полиција употреби солзавец и палки врз демонстранти, кои протестираа денеска против затегањето на контрола на границата меѓу Австрија и Италија, јави ДПА.
Австрија распореди околу 300 полицајци на планинскиот премин Бренер меѓу двете земји, каде што околу 250 демонстранти, повеќето Италијанци, протестираа против плановите на Виена да изгради контролни пунктови и огради.
Австрија го предупреди Рим, дека ќе започне построги гранични проверки, ако миграциската маршрута се премести кон Италија и италијанските власти не успеат да го запрат потокот кон Австрија.
При вакви демонстрации на Бренер во почетокот на април од солзавец настрадаа 15 демонстранти и 15 полицајци.