Емануел Чејз, дописничка и репортерка кој работи за Дојче веле и за Франс24, на Твитер објави шокантен извештај од ослободениот Изум, во кој по повлекувањето на руските сили е пронајдена масовна гробница во која, според Украинците, има 440 тела.
„Штотуку се вратив од местото на масовната гробница во Изум. Ова е полошо од се што можете да замислите. Можам да потврдам дека барем некои од луѓето закопани таму неодамна беа мачени. Тие умреа од насилна смрт“, напиша таа на Твитер.
?? I am just back from the mass graves site in Izium.
It is worse than anything you can imagine.
I can confirm that at least part of the people recently buried there were tortured and had violent deaths. pic.twitter.com/Du4uTgoGzP
— Emmanuelle Chaze (@EmmanuelleChaze) September 17, 2022
Таа наведува дека во гробницата биле пронајдени телата на 17 украински војници, додавајќи дека телата се однесени на обдукција.
Чејз ги опишува и посмртните останки на маж на возраст од околу 18 години. „Рацете му беа врзани зад грб. Беше силно удрен со остар предмет во главата. Неговиот скротум беше смачкан, а на внатрешните делови на бутовите, исто така, имаше знаци на тортура“, напиша таа.
Таа објави и фотографија од пожарникарите кои се први задолжени за ексхумирање на телото. „Еден ми рече дека на целата негова единица ќе и треба психолошка помош после ова“, напиша таа.