Околу стотина Чеси денеска се бакнуваа пред руската Амбасада во Прага во знак на поддршка на хомосексуалците во Русија, каде од јуни важи контроверзниот закон за забрана на пропагирање на хомосексуалноста кај младите.
Како што јави дописникот на МИА од чешкиот главен град, во т.н „Протест со бакнежи” учествуваа хомосексуални и хетеросексуални парови, како отпор против руските правни норми кои предвидуваат високи казни или затвор за ширење на информации за „нетрадиционални сексуални односи“ меѓу малолетници.