Стотици луѓе се уште се во опколената челичарница Азовстал во Мариупол, изјави синоќа Денис Шлеха од Украинската национална гарда. Тој додаде дека ќе бидат потребни уште најмалку две евакуации како вчерашната за да се извлечат сите.
Фабриката за челик Азовстал во разурнатиот Мариупол е последното упориште на украинските бранители на градот. Стотици војници и украински борци се уште се во фабриката за челик, многумина се ранети. Околу стотина лица, пред се жени и деца, вчера беа евакуирани од Азовстал.