Генералниот секретар на НАТО, Столтенберг најавено е дека денеска и утре ќе престојува во Анкара, првпат по обидот за преврат во Турција во јули, соопшти Северноатлантската алијанса.
Столтенберг ќе има средби со претседателот Реџеп Таип Ердоган, премиерот Бинали Јилдери, шефот на дипломатијата Мевлут Чавушоглу, министерот за одбрана Фикри Исик и други високи функционер.
По обидот за преврат во Турција, во кој загинаа над 270 лица, се зголемија тензиите меѓу Анкара и Брисел.
Турските власти ги обвинија западните земји дека повеќе се грижат за човековите права на пучистите, отколку за обидот за симнување од власт на една законски избрана влада на земја – членка на НАТО.