Генералниот секретар на НАТО, Јенс Столтенберг изјави денеска дека Алијансата разгледува план за јакнење на своите трупи во Авганистан, каде и помога на локалната војска да се бори против исламистичките бунтовници.
Тој нагласи дека, имајќи ја предвид безбедносната ситуација „полна со предизвици“, 28-те земји членки на НАТО размислуваат за зголемување на бројноста на мисијата „Одлучна поддршка“ за обука, помош и советување, со сегашните околу 13.000 припадници.
– Се очекува НАТО до јуни да донесе одлука за можно зголемување на трупите и продолжување на престојот кој сега се обновува еднаш годишно, нагласи Столтенберг.