Приоритет на НАТО е исполнување на планот за дејствување во одговор на нови закани, изработен на самитот во Велс во септември годинава, изјави денеска генералниот секретар на алијансата Јенс Столтенберг, пренесува ТАСС.
– Нашите напори се насочени кон тоа планот да биде целосно исполнет и во поставените рокови, изјави тој, додавајќи дека тоа ќе биде гаранција за колективна безбедност, залог дека новите закани ќе добијат проактивен одговор.
Според Столтенберг, најважно е да се надмине тенденцијата на партнерите во Алијансата постојано да ги намалуваат трошоците за одбрана.
Столтенберг го осуди распоредувањето на руски војници и опрема на границата со Украина, како и движењето на сили во Укриана кон линијата на примирје. – Тоа е многу сериозно, бидејќи целосно го саботира договорот од Минск, го разгорува конфликтот и води кон нови кршења на примирјето, изјави генералниот секретар на НАТО, кој се наоѓа во посета на Балтичките држави.
– Повикуваме Русија да ги повлече војниците, истовремено да се повлече од Источна Украина и границата, што ќе придонесе за значително намалување на тензиите, нагласи Столтенберг.