Британскиот премиер Кир Стармер направи гаф на денешната конференција кога повика на враќање на израелските „колбаси“, мислејќи на заложниците кои Хамас ги киднапираше на 7 октомври.
Британскиот премиер, обраќајќи и се на јавноста во Ливерпул, направи грешка и брзо се поправи, а притоа повика на смирување на тензиите на Блискиот Исток. Тој ги измеша зборовите „заложници“ и „колбаси“, кои слично се изговараат на англиски, пишува Политико.
„Повторно повикувам на воздржаност и деескалација на тензиите на границата меѓу Либан и Израел. Повторно повикувам на итен прекин на огнот во Газа, враќање на колбасите… заложниците… и решение за две држави, призната палестинска држава заедно со безбеден Израел“, рече Стармер.