Воени генерали на Северна и Јужна Кореја се сретнаа денеска во едно погранично село, со цел да разговараат за смирување на тензијата меѓу двете држави по двата вооружени инциденти минатата недела, соопштија јужнокорејските медиуми.
Министерствата за одбрана и за обединување во Сеул не можеле да го потврдат одржувањето на состанокот, кој доколку се утврди дека се случил, ќе претставува прв воен дијалог меѓу двата соседа од почетокот на 2011 година.
Северна Кореја побарала од Сеул да не го објавува јавно одржувањето на средбата.