Италијанските власти презедоа контрола врз товарен брод со стотици мигранти кој бил оставен од екипажот и пуштен да плови без да биде управуван.
Патник од бродот Блу скај ем дал сигнал по телефон до спасувачки служби дека бродот има проблеми. Од Грција била испратена помош, но капетанот на бродот јавил дека се е во ред и оти нема потреба за помош.
Подоцна бродот се упатил кон италијанското јужно крајбрежје и кога се приближил до пристаништето Санта Марија ди Леука два хеликоптера го провериле.
Припадници на спасувачките служби спуштиле свои луѓе на бродот каде било констатирано дека екипажот побегнал и бродот плови без да биде управуван. Портпарол на крајбрежната стража изјави дека со преземањето на бродот е спечена катастрофа.