Напад со експлозивна направа е спречен денеска во Париз пред Банка на Америка благодарение на интервенцијата на полицијата која уапси маж кој се подготвуваше да ја детонира, дознава АФП од извор близок до истрагата.
Инцидентот се случи околу 3:30 часот на улицата „Ру де ла Боети“ во западниот дел од центарот на Париз, пред зградата на Банка на Америка.
Полицијата уапси маж кој штотуку постави импровизирана експлозивна направа пред зградата.
Според еден од изворите, направата е направена од резервоар со 5 литри течност, веројатно јаглеводород, и механизам за детонација.
Истрагата му е доверена на одделот за антитерористичка акција на париската криминална полиција.