Грчката крајбрежна стража спаси денеска 117 мигранти во близина на западниот грчки остров Закинтос, по примен повик за помош.
Властите во Грција синоќа започнаа операција за спасување по примен повик за помош и откако воен авион забележал брод со мигранти западно од островот Закинтос во Јонско Море, се наведува во соопштението на крајбрежната служба.
Мигрантите со чамци за спасување се пренесени на крузерот „Островска принцеза“, кој минувал во близина и тое се пренесени на копно.
Над десетина илјади мигранти годинава влегле во Грција, во најголем дел преку Егејско Море.