Советот за безбедност на ОН едногласи го усвои рускиот предлог резолуција за прекин на огнот на истокот на Украина, и ги повика сите страни во источна Украина да почнат да го спроведуваат договорот што е постигнат минатата седмица во Минск.
СБ на ОН исто така изрази целосно почитување на суверенитетот, независноста и територијалниот интегритет на Украина и изрази загриженост од трагичните настани на насилство во источните региони на Украина.
Со резолуцијата се повикуваат страните во конфликтот на прекин на огнот, целосно почитувње на точките од договорот од Минск, како и допуштање на ОБСЕ да испрати мисија која ќе го следи развојот на настаните.
Сите 15 членки на Советот усвоија резолуција, но американската амбасадорка во ОН Саманта Пауер, рускиот потег го оцени како „ироничен“ со оглед дека бунтовниците во источна Украина ги помага Русија.