Тестовите извршени во Германија покажаа дека 56-годишниот Чех, кај кој според симптомите лекарите се сомневаа дека има ебола, не е заболен од оваа смртоносна болест, потврдија надлежните во Чешка.
Како што јави дописникот на МИА од Прага, пациентот, кој пред неколку недели се вратил од Либерија и има повисока температура, беше хоспитализиран и изолиран во специјално подготвеното одделение за евентуални заболени од ебола во прашката болница „На Буловце“.