Германската владејачка Социјалдемократска партија (СДП) формално го номинираше канцеларот Олаф Шолц за свој кандидат за канцелар на претстојните предвремени парламентарни избори, изјавија два партиски извори за Ројтерс.
Изворите наведуваат дека Извршниот комитет на СПД едногласно гласал за Шолц како кандидат. Германскиот министер за одбрана Борис Писториус од СПД се откажа од својата кандидатура за канцелар во четвртокот. Вонредните парламентарни избори во Германија се закажани за 23 февруари.
Според анкетата објавена во саботата, СПД во моментов е на трето место со поддршка од 14 отсто од гласачите, додека опозициските конзервативци водат со 32 отсто поддршка од гласачите, а екстремно десничарската партија Алтернатива за Германија (АфД) има 19 отсто поддршка.
Според анкетата, Шолц има поддршка од 39 отсто од гласачите, додека конзервативниот кандидат за канцелар Фридрих Мерц има поддршка од 44 отсто. Поддршката за Шолц и неговата партија опадна во последниве години, а тричлената владина коалиција пропадна претходно овој месец поради разликите во ставовите за тоа како да се поттикне економскиот раст.