Чешката Република не може да се повлече од својата позиција на отфрлање на задолжителни квоти за прифаќање на бегалци за членки на Европската унија од други земји, изјави премиерот Бохуслав Соботка.
– Не е можно да отстапиме. Нашата позиција е цврста и нашите аргументи се сериозни, рече Соботка коментирајќи го ставот на земјите на Вишеградската група – В4 (Чешка, Словачка, Унгарија и Полска) за одбивање на квоти, кој е критикуван од ЕК.
Соботка рече дека земјата е подготвена да помага на доброволна база и дека бегалците сакаат да стигнат во Германија и Шведска и не е можно насилно да се држат во прифатни кампови во Централна и Источна Европа, јави дописникот на МИА од Прага.
Соботка оцени дека е потребно да се регулира економската имиграција стравувајќи дека доколку бидат прифатени обврзувачки квоти за примање бегалци нема да бидат донесени други мерки за ограничување на миграцијата.
Тој додаде дека е потребно подобрување на заштитата на шенгенските граници и основање центри за прием.