Беспилотно летало со апчиња кои предизвикуваат абортус, која полетала од Франкфурт на Одра во близина на германско-полската граница, слетало во саботата во полското место Слубице.
Апчињата, коишто ги испратиле холандски активисти од здружението Women on Waves, веднаш ги земале две Полјачки. Целта на оваа акција била да се предупреди на рестриктивните закони во полска во врска со прекинот на бременоста.
Овие апчиња се користат за предизвикување абортус во раниот период на бременоста, Абортусот беше легален во Полска во времето на комунизмот, но е вон законот во повеќето случаи од 1993 година. Дозволен е само во случаи на силување или инцест, тешки малформации на фетусот или доколку во опасност е животот на мајката.
Конзервативниот католички дневен весник Nasz Dziennik ја нарече оваа акција „дрон на смртта“.
Се огласи и здружението Women on Waves кое соопшти дека полските рестриктивни закони ги терале жените на опасни илегални абортуси, како и дека лекарите и болниците понекогаш не сакаат да извршат абортус дури ниту во случаи кои полските закони ги сметаат дозволени.