На Интернет страницата на Викиликс се појави информација дека поранешниот агент на ЦИА Едвард Сноуден поднел барање за азил во уште шест земји, за да избегне кривична одговорност во САД.
Се претпоставува дека Сноуден се уште се наоѓа во транзитната зона на московскиот аеродром, од каде досега поднел барање за азил во над 20 земји.
Многу од тие земји веќе одбија да му дадат азил.
Во пораката на Твитер, Викиликс истакнува дека нема да ги идентификува новите земји до кои Сноуден упатил барање за азил поради можно американско мешање.