Директорот на Агенцијата за национална безбедност на САД,Кеит Александер, упати соопштение до вработените во кое ги уверува дека критиките заради оддавањето тајни од Едвард Сноуден не се однесуваат за нивната работа и дека раководството на Агенцијата „ќе го преземе врз себе огнот“.
– Националниот дијалог не е за вашата работа, наведува Александер во обраќањето до агентите, објавено во американски медиуми, што е реткост.
Во документот директорот наведува дека програмата на Агенцијата за прислушување телефонски и интернет комуникации помага за спречување терористички напади.
Според него, вработените во Агенцијата „исполнуваат одговорности кон националната безбедност со целосно почитување на граѓанските слободи“.