Десетици илјади туристи, научници и љубители на астрономијата со нетрпение го очекуваат во северните тропски области на Австралија целосното затемнување на Сонцето.
Затемнувањето ќе премине преку североисточниот „врв“ на Австралија и ќе се движи кон Тихиот Океан.
Делумното затемнување ќе може да се набљудува од источните острови на Индонезија, источниот дел на Австралија, како и од Нов Зеланд, Папуа Нова Гвинеја и од јужните области на Чиле и Аргентина.
Целосното затемнување на Сонцето во точката кога ќе кулминира ќе трае малку повеќе од две минути.