Сите белгиски синдикати ќе протестираат поради инфлацијата

Од:

– Сите синдикати во Белгија на 21 септември ќе организираат заеднички протест во земјата поради инфлацијата, тие бараат покачување на платите и контрола врз цените, јави дописничката на МИА од Брисел.

Во синдикалните кругови највеќе загрижува огромното покачување на цените на енергијата. Тие бараат од властите да преземат поконкретни мерки и дадат поголема помош за работниците и домаќинствата, соочени со огромните поскапувања. Како што потсетуваат синдикатите, некои работници мораат да дадат речиси цела плата само за да ги намират своите сметки.

Освен тоа, синдикатите бараат и реформа на закон од 1996 година кој не овозможува покачување на платите над 0,4 отсто, додека компаниите и акционерите прават огромни профити и дивиденди.

Протестот има за цел да се изврши притисок врз политиката и бизнисот во пресрет на социјалните преговори, а се најавува и генерален штрајк во текот на ноември.

Извор:МИА

Би можело да ве интересира

Граѓански протест во Скопје: Улиците не се безбедни, кој е следен?

(ВИДЕО) Оружен инцидент во Брисел: Маскирани напаѓачи пукаат кон цивили

Горан Наумовски

Во сабота во Неготино протестен марш насловен „Стоп за сообраќајното насилство“

(ВИДЕО) Блокади во Црна Гора поради масакрот во Цетиње: „Оставка, политичари!“

Горан Наумовски

(ВИДЕО) Црногорските студенти го блокираа патот поради масакрот во Цетиње

Горан Наумовски

Вработените во Матица Српска ги поддржаа студентите