Руската Агенција за цивилно воздухопловство денеска соопшти дека привремено се затворени сите четири аеродроми во Москва и аеродромот во Калуга, 160 километри југозападно од Москва, но не ја прецизираше причината.
Екипажот на авионите, контролорите на летот и аеродромските служби ги преземаат неопходните мерки за да ја гарантираат безбедноста на летовите, се вели во соопштението на Росавијација.
Московските аеродроми последен пат беа затворени кон средината на минатиот месец, откако Украина лансираше најмалку 25 дронови насочени кон Москва во раните утрински часови.
Росавијација тогаш објави на Телеграм дека „се воведени привремени ограничувања за работата на аеродромите Домодедово и Жуковски за безбедност на летовите на цивилните авиони“.