Сириските власти соопштија денеска дека одлуката на Египет да ги прекине дипломатските врски со Дамаск е неодговорна, обвинувајќи го египетскиот претседател Мохамед Морси дека се приклучил кон заговорот на САД и Израел, чија цел е поделба на Блискиот Исток.
Сириската Влада реагира еден ден откако Морси објави дека дефинитивно ги прекинува врските со Сирија, каде повеќе од две години се води граѓанска војна.
– Египет одлучи дефинитивно да ги прекине односите со актуелниот режим во Сирија, да ја затвори сириската амбасада во Каиро и да го повлече египетскиот концуларен претставник од Дамаск, истакна вчера Морси пред илјадниците приврзаници на стадионот во Каиро, каде се одржа собир „Поддршка за Сирија“.