Сириската Влада ги демантира гласините дека претседателот Башар ал Асад е тешко болен и нагласи дека тој сосема нормално ги исполнува своите работни задачи.
Изминатите денови на социјалните мрежи и на некои арапски веб страници се појавија шпекулации дека 51-годишниот Асад е во критична состојба, при што некои јавуваат дека добил мозочен удар или дури дека бил ранет при атентат.
– Претседателството ги демантира тие гласини. Претседателот Асад е во одлична здравствена состојба, се вели во соопштението од неговата канцеларија.
– Тие гласини се совпаѓаат со промените на бојното поле и на политички план, се нагласува во документот.