Сердар Бердимухамедов, синот на претседателот на Туркменистан Гурбангули Бердимухамедов денеска потврди дека ќе се кандидира за претседателската функција.
Изборите се закажани за 12 март, се наведува на веб-страницата на весникот „Саламњуз“.
Бердимухамедов (64) во текот на викендот соопшти дека распишува предвремени претседателски избори. Тој најави дека нема да бара нов мандат по 15 години на власт и дека сака да ја предаде власта на нова генерација.
Неговиот 40-годишен син, кој моментално е вицепремиер, се очекува да го наследи својот татко на функцијата претседател на централноазиската земја богата со гас.
Сердар Бердимухамедов беше номиниран од владејачката Демократска партија на Туркменистан.
Извор: МИА