Синот на последниот ирански шах, престолонаследникот Реза Пахлави, се појави на платформата X и го повика иранскиот народ да го собори теократскиот режим на ајатолахот Али Хамнеи, нагласувајќи дека има „план за воведување демократија во иранското општество“.
Иранскиот престолонаследник, кој живее во егзил од јануари 1979 година, изрази надеж за враќање на иранската политичка сцена, велејќи дека „Исламската Република Иран се урива“.
„Го гледаме сегашниот ирански лидер кој сега се крие во бункер како стаорец и ја изгубил контролата врз ситуацијата. Мислам дека сето ова е погодно за нешто да се случи многу брзо и моите сонародници конечно да бидат победници“, рече Реза Пахлави во својата триминутна видео порака и го повика народот на Иран да се крене, објавува Ле Фигаро.