Белата куќа соопшти дека со поставување на синот на потпретседателот на САД, Џозеф Бајден за член на советот на директори на најголемиот приватен произведувач на природен гас во Украина, не претставува судир на интереси, бидејќи тој е приватно лице.
-Роберт Хантер Бајден како и сите членови од семејството на потпретседателот е приватно лице и она што го прави не подразбира никаква поддршка од администрацијата на САД, потпретседателот или претседателот- рече портпаролот на Белата куќа, Џеј Карни.
Помладиот син на Џозеф Бајден, кој работи како адвокат и партнер во една фирма за инвестиции, оваа недела е поставен за член за советот на директори на компанијата „Бурисма Холдинг“, најголемиот приватен производител на природен гас во Украина од 2002 година.
Во соопштението кое што стои на сајтот на компанијата, Хајтен Бајден изјавил дека ќе и помогне на компанијата на поле на транспарентност, одговорности и ширење на меѓународен план.
Инаку Џозеф Бајден во април беше во посета на Киев, каде што разговараше за тоа како САД може да помогнат во проширување на домашното производство на природен гас.
Е. Г.