Најмалку едно лице е повредено во експлозија што се случи рано утрово во северозападен Хјустон, во американската држава Тексас, соопшти полицијата.
Експлозијата се случила во 4 часот и 25 минути, а се слушнала и на неколку километри оддалеченост. Жителите пријавиле скршени прозорци на една зграда.
Локалните медиуми јавија дека најмалку едно лице е повредено.
Причината за експлозијата не е позната. Полицијата ги блокираше улиците во околината.
По експлозијата избувна пожар, поради што пожарникарите побараа од новинарските екипи да се повлечат.