Силна експлозија утрово одекна во Кабул во близина на американската Амбасада, но според информациите нема жртви, тврдат очевидци.
Густ црн чад се издигнал во близина на Амбасадата, а се вклучиле и алармите за тревога во дипломатското претставништво.
Инцидентот се случил во момент кога голем број лица оделе на работа. Има голем број искршени прозорци во реонот на експлозијата.
Засега не е познато која е причината за експлозијата.
Кабул често пати е мета на ракетни напади, а западните медиуми потсетуваат дека авганистанските талибанци пред една недела најавија почеток на пролетната офанзива.