Денеска одекна експлозија во влез од станбена зграда во солунската населба Сикијас, објави весникот „Катимерини“.
Експлозијата е предизвикана од механизам активиран од непознати лица, а евидентирана е материјална штета како на зградата каде што се случила детонацијата, така и во околните згради и на паркираните возила.
Двајца млади лица се здобиле со полесни повреди, најверојатно од скршено стакло, и биле пренесени во болницата „Хипократ“ во Солун. Пожарникарите брзо пристигнале на местото на инцидентот, но не морале да интервенираат бидејќи немало пожар.
Полицијата го блокирала подрачјето, а истрагата за инцидентот е во тек.
Прелиминарните информации укажуваат дека во станбената зграда живеел затворски работник во Солун, што би можело да биде потенцијален мотив за нападот, соопшти полицијата.