Земјотрес со јачина од 4,3 степени според Рихтеровата скала е регистриран во 19:46 часот во јужниот дел на Италија.
Според достапните податоци, епицентарот на земјотресот се наоѓаше на 13 километри западно од Неапол.
Хипоцентарот на земјотресот, според податоците на Европско-медитеранскиот сеизмолошки центар (EMSC), се наоѓа на длабочина од приближно 2 километри под површината на земјата.
Граѓаните велат дека земјотресот траеше повеќе од 20 секунди и беше многу силен.
„Тресеше 20 секунди, веројатно и подолго, а потоа снема струја“, напишаа луѓе кои живеат недалеку од епицентарот.
„Во Неапол сме, снема струја во станот, целиот стан се тресеше, немаме ни интернет“, „Бев во супермаркет во приземјето на зградата, предмети паѓаа од полиците, а струјата веднаш снема“, „Полиците се нишаа лево-десно, мониторите на масата исто така; нема штета, но беше многу непријатно“ – ова се дел од бројните коментари на EMSC.
Засега нема извештаи за материјална штета или повредени лица, а надлежните служби ја следат ситуацијата.