Најмалку три лица загинаа, а седум се тешко повредени по земјотресот со интензитет од 4,8 степени според Рихтеровата скала што денеска го погоди индонезискиот туристички остров Бали.
Портпаролот на локалната агенција за справување со катастрофи, Абдул Мухари, информира дека се урнати неколку куќи и други згради во областа Карангасем.
Земјотресот се случил во 4.18 часот по локално време, со епицентар на осум километри северозападно од Карангасем, на длабочина од 10 километри, соопшти националната геолошка агенција.