Безбедносните ризици на Шведска се зголемија во текот на изминатата година бидејќи Русија, поради војната во Украина, ги зајакнува своите воени капацитети.
Ова денеска го соопшти шведската разузнавачка и безбедносна служба (MUST).
Минатата година, шведската служба за разузнавање и безбедност направи оценка дека Русија претставува јасна и непосредна воена закана за Шведска, но наведувајќи дека руските сили се главно окупирани со војната во Украина, пренесува Ројтерс.
По руската инвазија на Украина, Шведска поднесе барање за членство во НАТО во 2022 година, откажувајќи се од долгогодишниот статус на воена неутралност, а во таа земја се надеваат дека процесот за влез во НАТО ќе биде завршен во блиска иднина.