Вработени во компанијата Амазон во Германија стапија во штрајк во обид да издејствуваат зголемување на платите пред божиќните празници кога е најголем обемот на работа.
– Вработените во еден од деветте дистрибуциски центри во Германија во градот Бад Херцфелд стапија во штрајк, се вели во соопштение од синдикатот. Објаснето е дека вработените сакаат да извршат притисок врз Амазон пред божиќните празници кога компанијата нуди специјалнипопусти и обемот на продажба е исклучително голем.
Во соопштението се додава дека вработените во Амазон, американска фирма за трговија преку интернет, имаат помали плати во однос на вработените во други компании за малопродажба и испораки преку пошта.