Работниците во француската железница денеска стапија во штрајк, откако претходните два дена протестираа контролорите на летање, незадоволни од либерализација на воздушната контрола во Европа.
Се очекува денеска да бидат откажани околу 70 отсто од планираните тргнувања на возовите во Франција, а посебно ќе биде загрозен железничкиот сообраќај во Париз каде е гарантирано секое трето тргнување.
Штрајкот на железничарите, кои протестираат поради реорганизацијата на националната железничка компанија, започна синоќа а ќе трае до утре наутро.
Истовремено штрајкот на котролорите на летање, поради кој во текот на претходните два дена беа откажани повеќе од илјада летови ширум Франција, заврши и авио-сообраќајот почнал да се нормализира.