Со потпишување Договор за асоцијација, ЕУ и предложи на Молдавија соработка, а не интеграција, изјави германскиот министер за надворешни работи Франк-Валтер Штајнмаер во Букурешт, каде вчера се сретна со романскиот претседател Клаус Јоханис.
– Не зборувам за членство во ЕУ, туку за подлабока соработка со Молдавија, за модернизација на земјата, истакна шефот на германската дипломатија.
Иако Договорот за асоцијација не значи влез на Молдавија во Унијата на краткорочен план, Германија планира на секој можен начин да и помогне на поранешната советска република во спроведување на реформите и уредување на придњестровскиот конфликт.