Дарја Трепова, која е осомничена за убиството на познатиот руски воен блогер Владлен Татарски, призна дека ја регрутирал човек поврзан со Украинската служба за безбедност (СБУ), објави весникот „Шот“, повикувајќи се на добро информирани извори.
Татарски беше убиен во неделата од експлозија на импровизирана експлозивна направа.
– Нападот врз Татарски, наводно, бил организиран од Роман Попков, поранешен новинар на „МБКХ Медиа“ основана од Михаил Ходорковски, прогонет Русин и упорен критичар на Кремљ, изјавила Трепова, тврди „Шот“.
Според неа, Попков најпрвин „ја учел новинарство“, но потоа побарал од неа да заврши задача за неговиот „контакт“.
Според „Шот“, контактот на Попков бил агент на СБУ чиј идентитет не е откриен.
Пред неколку дена Трепова со својот автомобил ја донесе статуетката во Санкт Петербург. Таа, исто така, рече дека нејзините контакти ја задолжиле да се спријатели со Татарски за подоцна да го регрутира.
Таа тврди дека и било кажано дека фигурата содржи уред за слушање.
Повикувајќи се на извори, други медиуми објавија дека Попков сега работи за поранешниот пратеник на Државната дума во егзил Илја Пономарев, пренесува РТ.
Пономарјев, кој моментално живее во Украина, во неколку наврати се закануваше дека ќе започне терористичка кампања насочена кон руските официјални лица и сите кои смета дека ги поддржуваат акциите на Москва во Украина.