Пред средбата со американскиот претседател Џозеф Бајден, германскиот канцелар Олаф Шолц денеска предупреди на опасноста од руска победа доколку сојузниците на Украина не ја зголемат воената поддршка и финансиската помош.
„Не правете грешка: руската победа во Украина не само што ќе го означи крајот на Украина како слободна, демократска и независна држава, туку и драматично ќе го промени ликот на Европа“, напиша Шолц во авторски текст во Wall Street Journal.
Според него, лидерството на претседателот Бајден било клучно за да се осигури дека агресијата на рускиот претседател Владимир Путин ќе биде дочекана со обединет и успешен одговор, пренесува Блумберг.